年尾大掃除之滅蚤煙霧 (轉貼)

響屋企比蚤咬, 請問用咩方法安全又有效滅蚤?

中醫教我響屋企燒”艾”藥房賣＄５一支，每次燒２ｃｍ，我用奶粉罐朝早出門口前燒，陣味可以防蟲的，我家的書蟲都走曬, 不過陣味未必人人接受到。我會打開所有窗，唔係陣味有排唔散，佢功效好好，每次會將一枝開二或三，記得連埋張紙，唔好拆開。香港九蚊枝,藥房中藥部有賣，可以格下價。去藥房話艾條就得，有中醫用佢嚟做治療，點果時要打開窗，唔係焗住陣味有排唔散，一間約60尺嘅房我會用3份1枝就夠，連包裝紙一齊剪段，如果bb細一定要抱走佢，因為陣味初時聞唔慣會覺得臭中藥味，同埋一次過薰全屋, bb
最好第日先返，始終太細氣管可能會敏感唔係咁好，大人就冇所謂如需要全屋點，要打開晒窗，房同廳分別燃點，我自己會貪快每般點兩頭，咁會燃點得快d，唔出街响屋企就點一頭，有狗仔都唔怕，我都有隻狗，但我只會每次薰一個範圍，咁就唔洗人狗走路勒，3分1枝唔會太耐時間，點兩頭又快d，最好用有承托的工具，如果放平可能點點吓會熄滅，可以用點蚊香的工具，試過有一次睇見隻蚊聞到味好似high咗咁wing吓wing吓，好過癮，點完後我會開風扇打氣，等d味散快d。約60尺用3份1枝係for簡單佈置，如果雜物比較多或多蝨用半枝好d，其實份量唔一定我講果隻，多或少可以自己調教。點一頭應該半小時左右。你當蚊香咁看待就得啦，唔洗好大陣仗。

成份有：艾葉、桂枝、高良姜，廣藿香、降香、香附、白芷、陳皮、丹心、生川烏
主治：行氣血、逐寒濕。用於風寒濕痺，肌肉痠麻，關節四肢疼痛，脘腹冷痛。
成份全部是中草藥，有推拿師會用艾幫病者治療。