懷舊+復古

icq唔知因乜又炒冷飯火熱了起來！我當然也要再重新投入這個人氣軟件！與此同時我發現我早在十多年前已經有好幾個帳戶，而每一個都有設定找回密碼的問題！最大鑊係條問題竟然問我最喜歡嘅電影！？真係鬼記得十多年前喜歡乜電影咩，連想估都唔知從何入手！各位老朋友唔知有冇諗法呢？當年大家流行睇乜電影呢？我記得我個帳戶在差不多大學一年級嘅時候開通，當時我應該住係Bamburgh Circle, 電腦重要用56k dial up! 嘩，諗起都開心，一堆舊事即刻浮曬出嚟！
懷舊有懷舊嘅好，叫返醒我去回味過去嘅黃金歲月！
到而家為止我已找回所有帳號：共3個，只是有一個帳戶可以成功破解當年嘅密碼問題，其他2個有待破解。有趣，真有趣！要代入過去十幾年前嘅生活模式，去諗嘢！希望我可以解開到呢2個問題，突然覺得好似金田一！


- Posted by iPhone