安樂死真的安樂嗎？

點解話題咁沉重？主因是我的貓咪，可以說是老貓咪的病情而有感而發。以人類年齡來換算，他應該過百歲有多。換句話說，他身體也因為年紀大而開始產生變化。
數年前，獸醫已經開始發現佢有腎病，需要每天食藥。後來又在檢查嘅過程中，聽到佢心臟有雜聲而再開始加心臟，血压藥。再之後數個月後之檢查中又在佢驗血報告中發現calcium超標。唉，咪睇佢個樣好似無乜嘢，其實佢已經到風燭殘年啦！兩個月前因佢數次在原因不明之情況下面部出血，我決定要搏一舖同佢做ＣＴｓｃａｎ。點解講到好勁咁，原來貓咪要全身麻醉先可以做ｓｃａｎ。但係貓同人一樣年紀大做全身麻醉係有一定風險，呢個原因亦令我考慮了一陣子…但與其而家都可以話無選擇嘅情況下，我唯有決定帶佢做。報告嘅結果幾令我意外，因為做咗咁多嘢，醫生都係揾唔到佢塊面不定期出血之原因。反而發現了其他問題！由於佢已屬貓瑞（代入人類世界，佢已經過百歲），佢腦部開始鈣化。這昰年紀大機器壞之表現。雖然理智話我知呢件係理所當然之事，但感情上我還是接受不了这事實。從醫生口中，佢輕描淡寫地說出將來我可能要面對的情境（現在或多或少的出現了）和可能要考慮在需要的時侯给他安樂的一針。想到那裡，内心不其然閃出了一種強烈不安之感覺。真的嗎？真的要嗎？我覺得他需要，還是他真切的需要？陪在我旁他開心嗎？還是離開痛苦他会更輕鬆些？我可以代替他做这个決定嗎？！……十分懊惱，可以俾啲意見嗎？