白痴遊泰記

話說白痴仔（我）同北極熊（我嘅一歲半侄仔及其一家人）的第一回出國去旅行。地點為泰國布吉島。去了四天，得到一隻北極熊變成了燒烤熊及他學識唔叫我做姑媽而叫我做da姊：佢dada (daddy)嘅姐姐 (總比叫姑姑或姑媽好，唔係俾佢叫到老嗮)。
四天後回到曼谷作餘下之假期，想輕輕鬆鬆 一下。但係低能事又發生。本人在街上逛逛下，突然肚餓，就想起要試地度小食：即街邊大排擋。係雞同鴨講嘅情況下，我成功地點了一碗細魚旦粉。但係醜事就喺呢個時候發生。（注:因為太肚餓, 所以之前食緊香口膠。）既然有嘢落肚就一定要吐咗佢，但手頭無紙巾只好睇吓四周環境再作打算。

就係呢個時候我睇到枱面有個三格碟、裡面裝有辣椒，小蒜頭同一碗唔知乜嘢。個樣十足人哋食完嘢未收嘅配菜，咁我當然順理成章吐咗粒香口膠落堆辣椒度。本應相安無事，突然另一檔檔主走埋嚟一手拿落粒香口膠度，然後拎走咗。嗰一刻我馬上知道我做咗一次有蔑國體嘅事。我竟然當人家長放長有嘅國寶係普通配菜，重要當佢係垃圾碟.....真係罪過罪過.....
;p